روتين العناية لتفتيح المناطق الحساسة بالصور و بالتفاصيل

 السلام عليكم بنات ،، اخباركم ؟؟؟

اولا اي وحدة تلاحظ ان المنطقة بدأت تتصبغ و يصير فيها سمار ، او اي وحدة عندها سمار بالمنطقة و تنوي تفتح المنطقة عندك شغلتين اساسية :

الخطوة الاولى : تغيرين طريقة العناية

الخطوة الثانية : تسوين لك روتين خاص للعناية   

ليش اغير طريقة عنايتي ؟ قد تكون طريقتك نفسها في العناية سببت لك حساسية و من الحساسية للاسمرار و مع الجفاف تسوء المنطقة اكثر و اكثر  .. طيب شنو الاشياءع الي ممكن اذا صارت راح تتحسن المنطقة بالتفصيل ؟

الازالة لازم تكون عن طريق الشيرة (( الحلاوة )) او الواكس لانها تخلي البشرة ناعمممممة و تزيل الخلايا الميتة

نصيحة : اذا كنتي تشيلين بـ كريم ازالة الشعر او الماكينة و فكرتي تستخدمين الواكس او الحلاوة ابدئي تدريجيا و لما الشعر يكون قصير لتجنب الالم !

اهم شي ما تغيرين دائما مثلا هالاسبوع حلاوة و الي بعدها ماكينة الحلاقة لان يطلع مسامات في البشرة و يسمى بـ جلد الفروالة او جلد الوزة (( مثل هالصورة الي تحت )) 

بالنسبة للبنات الي تعاني من الحبوب الي تطلع بعد ازالة الشعر تاخذين قطنة فيها موية ورد و تمسحين على المنطقة ، و الموس تغيرينه و تاخذين الي فيه شفرة وحدة فقط اذا كنتي تستخدمين الموس 

و تحتاجين الى مقشرات خاصة بين فترة و فترة تطبقينها على المنطقة مع مساج خفيف بشكل دائري عشان تتخلصين من آثار الحبوب في المنطقة الحساسة فيه انواع مقشرات مثل :

و تحتاجين الى ملابس داخلية قطنية ، دائما حافظي عليها تكون جافة تماما حتى بعد دخولك للحمام ،  لانها تزيد البكتيريا الضارة الي تؤدي للاسمرار ..

ادخلي لتعرفي لماذا القطن مهم ؟

مهم تختارين مزيل عرق لا يسبب الحساسية و افضل الانواع الي تجي رول مثل نيڤيا ، silk من اوريفليم ، الترا ماكس ، اختاري اي نوع يناسبك

طيب نجي للصابون (( في اطباء ما ينصحون باستخدام الصابون للمناطق الحساسة لانها تغير الـ PH للمنطقة )) .. فيه انواع اختاروا الي يناسبكم 

طيب عندنا غسولات خاصة ايضا للمناطق الحساسة تقدرون تستخدمونها مرة الى مرتين في الاسبوع او وقت الحاجة .. 

الحين مع فقرة الكريمات الطبية الخاصة للمناطق الحساسة تقدرون تستخدمونها صغار #البنات_المراهقات او كبار ما تضر  💕

بنات قبل كل شي مشكلة سمار المناطق الحساسة يبيلها وقت يعني لازم تستمرون على هالروتين مافي شي اسمه كريم قوي او خلطة سحرية كلهم يحتاجون وقت عشان تطلع لكم النتيجة الي تبغون توصلون لها ..

من الكريمات المفيدة الي لا تسبب حساسية ولا رائحة بمنطقة الابط و تنفع للمنطقة الحساسة هي :

طيب نجي للخلطات الطبيعية للقضاء على اسمرار المناطق الحساسة :

١- الروب / الزبادي (( لانه يحتوي على اللاكتيك اسيد )) للتبيض

طريقة الاستخدام : خذي معلقة كبيرة من الزبادي و ضعيه على الفخذين لمدة ١٥ دقيقة ثم اشطفي بالماء الدافئ ..

او

ملعقة زبادي و نصف ملعقة  دقيق الحمص ،  كركم ، عصير الليمون

اخلطي المكونات جيدا و ضعيه كـ ماسك لمدة ١٠ دقائق 

مرتين في الاسبوع

٢- عصير الليمون لانه يحتوي على خصائص التبيض 

طريقة الاستخدام : اعصري ليمونتين و اخلطيهما بكمية ماء متساوية ، صبي الخليط في زجاجة سبراي فارغة رشي هذا المزيج على البشرة الداكنة و اتركيه لمدة ١٥ دقيقة ثم قومي بغسله بالماء الدافىء  ..

٣-  دقيق الشوفان و عصير الطماط بحيث الشوفان مقشر للجلد و عصير الطماطم مفتح للبشرة 

طريقة الاستخدام : خذي معلقتين كبيرتين من دقيق الشوفان و اضيفي عصير الطماطم ، اصنعي عجينة سميكة و ضعي الماسك لمدة ٢٠ دقيقة ثم اغسلي المنطقة بالماء البارد

مرتين الى ثلاث مرات في الاسبوع

و الان اخيرا يا بنات اذا سويتوا روتين عناية خاص و ما ضبط معاكم معناه ان طريقتكم خاطئة في اتباع الروتين !

مثلا الي حابة تفتح منطقة الابط لازم تنتبه انها ما تستخدم مزيل العرق بكثرة و اذا استخدمته ترجع البيت و تغسل المنطقة دايركت 

تحط كريم مفتح للابط مرتين يوميا >> مرة الصبح قبل استخدام مزيل العرق 

لا تحطون مزيل عرق و تنامون لانكم راح تدمرون المنطقة بحيث انها مو قاعدة تتنفس ..

(( الي جربت شي و نفعها حبيبتي كتبي لنا تجربتك الناجحة مع ذكر الفترة التقريبية الي احتاجت المنطقة للتفتيح  )) 

المصادر :

1- https://www.leaf.tv/9765576/advantages-disadvantages-of-cotton-clothes/

2- https://www.mosoah.com/beauty-and-fitness/skin-care/strawberry-legs/

3- https://instagram.com/dr_ranya_bh?igshid=15yejkqtirzc3

4- https://www.google.com/amp/s/www.india.com/lifestyle/5-effective-home-remedies-to-lighten-dark-inner-thighs-2720690/amp/

5- https://www.instagram.com/p/CIywcA9LP4Y/?igshid=13kttbk9ceshr